Back to Top
Responsive image
E korant di pueblo

Arsenal ku interes den Justin Kluivert


May 22, 2020 • 1 minüt pa lesa

ITALIA—E atakante, Justin Kluivert, kende ta e junior di e eks tékniko di nos selekshon nashonal di futbòl i konosido eks futbolista, Patrick Kluivert, tambe un biaha mas ta den notisia.

Un ke otro, unda a keda publiká ku lo e por ta den un akuerdo unda lo por bai tin kambio di futbolista. Justin Kluivert di 21 aña di edat, kende ta ku AS Roma, ta riba e lista di hungadónan ku Arsenal lo ta interesá den dje. Esaki a pone ku lo e por ta den Premier League na Inglatera próksimamente.

Esaki a bira konosí, despues di e promé kontaktonan, entre dirigentenan pa un posibel kambio. Segun prensa deportivo na Italia, ta e intenshon aparentemente pa Kluivert pasa di Roma pa Arsenal, a kambio di Henrikh Mkhitaryan. E futbolista for di Armenia, inkluso ta interesá pa entregá parti di su salario, pa e kambio. Sinembargo, no ta konosí kiko Justin Kluivert, ta pensando di e opshon aki, unda Mino Raiola, kende ta representante di ámbos futbolista, ta e persona di kontakto.

Rumornan ta indiká ku Arsenal lo ta interesá pa paga tambe alrededor di 13 te ku 15 mion Euro, pa asina kristalisá e kambio i por konta ku Kluivert, kende 2 aña pasá a yega Roma for di Ajax.

Login
Bo a pèrdè bo password? Porfabor hinka bo username òf email address. Nos lo manda bo un link via email kaminda bo por kambia bo password.