Back to Top
Responsive image
E korant di pueblo

Atrobe eksploshon na agensia di viahe Royal Tours


June 18, 2020 • 1 minüt pa lesa

DEN HAAG—Djadumingu anochi outoridatnan polisial a haña melding di un eksploshon den Royal Tours na Hoefkade Den Haag.

No tabatin heridonan. Doño di e agensia di viahe ta tata di e kriminal Reda N (32). Un aña pasá tambe e negoshi a keda destruí pa un eksplosivo. Riba imágen di Omroep West kon e eksploshon a kibra e porta i bentana. Explosieven Opruimingsdienst Defensia (EOD) a yega na e sitio pa investigashon. Den 2019 tabatin 3 insidente den un siman den bario kaminda Reda N ta biba.

Esun di mas peligroso tabata un enorme eksploshon 16 mei kaminda e agensia di viahe Royal Tours a haña hopi daño material. Tur bentana i porta a bula bai i kasnan den e área tambe a keda afektá. Afortunadamente ningun hende a keda heridá. E eksploshon aki tambe a keda grabá riba kámaranan di vigilansia den e área. E kriminal Reda N ta sinta un kastigu di kasi 13 aña for di 2012 pa dos atrako violento den kas, entre otro den villa di multimionario Wim Zegwaard na Rijswijk.

Login
Bo a pèrdè bo password? Porfabor hinka bo username òf email address. Nos lo manda bo un link via email kaminda bo por kambia bo password.