Back to Top
Responsive image
E korant di pueblo

Awor ku Kuido Intensivo ta yen por ferwagt ku mas hende lo por fayesé


April 1, 2021 • 1 minüt pa lesa

Izzy a indiká ku awor ku Kuido Intensivo ta yenando por ferwagt ku mas persona lo por bin fayesé.

Willemstad — Ayera durante e rueda di prensa ku Gobièrnu di Kòrsou a tene Dr. Izzy Gerstenbluth a indiká ku awor ku e departamentu di Kuido Intensivo a yena por ferwagt ku mas persona lo por bin fayesé. Esaki por sosodé paso tin 33 kamber i awor tin 32 ku ya ta okupá.

Segun Izzy por hasi algun kos ainda pa por akapará un par di persona mas pero ya ba yega bo máksimo i esei kemen ku ounke Promé Minister no ke skucha esei ku lo por tin e posibilidat ku mas persona lo por muri. Esaki lo no bai ta pa falta di kuido òf paso hende nan den hospital no ta kuidando e pashènt nan òf no ta hasiendo nan trabou pero paso no lo bai tin sufisiente lugá pa tur e persona nan ku lo bai bin riba nan. Paso e kantidat nan di 500 piku persona infektá nobo tur dia i esaki ta sigui subi no por bai bringa kontra di dje.

Login