Back to Top
Responsive image
E korant di pueblo

Bakuna basá riba mRNA


May 4, 2021 • 1 minüt pa lesa

Método di bakuna basá riba kódigo genétiko (mRNA)

E bakunanan di Pfizer-BioNTech i Moderna ta utilisá e teknologia di mRNA. mRNA ta un kódigo genétiko i ta forma parti di nos kurpa naturalmente. E kurpa humano ta usa mRNA pa produsí diferente proteina ku nos kurpa mester pa por funshoná.

E mRNA den e bakunanan kontra Covid-19 ta duna instrukshon na sèlnan di nos kurpa pa traha un proteina ku ta spesífiko na e vírus di Covid-19. E proteina aki, mihó konosí komo ‘spike protein’, ta un proteina ku ta wòrdu paresé na superfisie di e vírus di Covid-19. E vírus ta usa e proteina aki pa pega i drenta den sèlnan den nos kurpa. Ora ku un persona risibi un bakuna kontra Covid-19, su sistema imunológiko ta prosesá e informashon di e ‘spike protein’ i generá un respuesta inmune kontra di e proteina aki. E respuesta inmune aki ta den forma di antikuerpo.

Bakunashon ta hasi uso di un aspekto hopi importante di nos sistema imunológiko, kual ta ku e por krea un memoria. Despues ku un persona keda bakuná, e sistema imunológiko ta keda warda e informashon di e ‘spike protein’. E método aki ta un método nobo den mundu di bakuna. Promé ku e pandemia di Covid-19, ningun bakuna di e modèl aki no tabata eksitoso pa usa riba hende. Pfizer-BioNTech i Moderna, e dos bakunanan ku nos tin aki na Kòrsou ta usa e teknologia di mRNA.

Dor di e pandemia di Covid-19 investigashonnan riba e teknologia di kódigo genétiko pa bakuna a progresá inmensamente, esaki a pone ku awor por usa e método aki pa kombatí e vírus di Covid-19.

Login