Back to Top
Responsive image
E korant di pueblo

Banko Sentral i gobièrnu ta sigui hermetiko riba 200 mion dòler konfiská


February 23, 2021 • 3 minüt pa lesa

Abogado pa Banko Sentral, Sueena Fransisco.

Punda—Un suma di kasi 200 mion dòler ku mester wòrdu klarifiká riba su destino, ta birando un misterio. Ni Banko Sentral ni tampoko Ministerio di Hustisia ta papia riba e suma mionario “tabou” kual tabata konfiská pa kasi 14 aña riba kuentanan di Banko Sentral. Durante un rueda di prensa na 2020, Minister Girigorie a menshoná ku parti di e sèn mester yega Fondo di Krímen, pero despues no a bini mas aklarashon.

Por lo ménos 200 mion dòler i kisas mas di e kompania Moules Trust, por keda retené pa Banko Sentral na Skalo, pendiente un desishon definitivo si ta bai pone e plaka den un kaha di konsignashon. Esaki ta lokual un veredikto di wes mr. Thomas Veling a indiká na 2020, despues di a warda por lo ménos 10 luna riba un kontesta di Ministerio Públiko. Durante un investigashon denominá komo ‘Ametista”, Ministerio Públiko na Kòrsou durante òktober 2017 i despues na mart 2018 a listra den Banko Sentral. Riba 23 di mart 2018, Ministerio Públiko a laga traha un prosès ferbal unda a deskubrí ku plaka di mafia rusiano ta di fris riba kuentanan di Banko Sentral.  Riba 26 di ougùstùs 2019, korte di hustisia a manda súplika informashon riba e kuentanan di banko na CBCS. E informashon ta importante pasobra, gran parti di e plaka di fris ta asigná pa gobièrnu di Kòrsou. Wes mr. Thomas Veling for di 6 sèptèmber 2019 a manda puntra Ministerio Públiko pa dun’é un kontesta riba e fondonan konfiská.  E kaso tabatin 14 aña den korte.

Quincy Girigorie, minister di hustisia

E wes en kestion den un veredikto intermediario a manda un kantidat di 5 pregunta pa Ministerio Públiko riba e kaso denominá komo Ametista. Durante investigashon di Ametista, Ministerio Públiko via di Team Bestrijding Ondermijning, a deskubrí ku 360 mion florin, depositá riba kuentanan intermediario na Banko Sentral ta ilegítimo. Por lo ménos 220 mion florin for di sèn via un desishon di wes den korte sivil por bini na remarke pa uzo di gobièrnu. Banko Sentral tin tur e plakanan aki di fris for di 2006, den kuadro di e kaso FCIB. Ta trata di 65 mion dòler kèsh i 85 mion dòler na aktivo. Ademas di e kuentanan aki, tin mas plaka konfiská. Durante un kaso sivil na final nan di ougùstùs 2019, wes mr. Veling a manda súplika mas informashon riba e kuentanan. Segun bosero di Ministerio Públiko, Guiliano Schoop, e investigashon a kai dirèkt bou di Prokurador General ku ta kordiná e unidat investigativo di TBO. Ta trata di preguntanan riba e kompanianan Moules Trust,  Corbiere Trust Company Limited, Rysafe Trustee Company, October Limited, Emperor Trust Company, Saffery Trustee Company i Taxi Holdings Limited. E kompanianan ke pa paga nan fo’i e bolsa di fris balorá na 200 mion dòler. Ribe e 200 mion dòler, minister Kenneth Gijsbertha a splika ta riba e kuentanan na Banko Sentral kla pa subi e kuenta di konsignashon.

Segun un rapòrt  e grupo di kompania relashoná ku Corbiere nan fondonan ta prosedente di labamentu di plaka. Na 2006, nan bin kai bou di un medida di emergensha via di e banko kontroversial FCIB. . Segun e abogadonan kende a defendé FCIB i Banko Sentral, ta for di 11 di novèmber FCIB a kai bou di kuratela. Na 2007 klientenan di FCIB a kuminsá eksihí pago di nan sèn riba kuentanan ku FCIB tabatin di nan. Banko Sentral na 2008 a informá e klientenan, ku unabes nan comply ku eksigenshanan, nan lo risibí nan sèn. Mayoria a comply pero algun no, kual CBCS a kategorisá nan. Un dokumentashon for di e filenan investigativo ta konfirmá ku parti dje 200 mion dòler ta na Kòrsou riba kuentanan manehá pa Banko Sentral:

In relation to sources of funds I can confirm that the sum of USD 1.000 was used as the initial capital for the Moules Trust. Also in November 2005, assets valued at approximately USD 150,590,000 were added to the Fund. These assets comprised of USD 65,418,00 in cash plus an asset portfolio valued at USD 85,172,000 which were appointed to the Moules Trust form another Trust of which I am a beneficiary.”

Login