Back to Top
Responsive image
E korant di pueblo

Basta awa shushi mandando holó stinki


February 20, 2021 • 1 minüt pa lesa

Durante di e kontròl a bin topa ku e awa shushi kual
tabata yena ku bichi i otro shushedat.

Willemstad—  Den oranan di mainta e personal di Meo a bai patras di e stadion Odulio Willems na Suffisant pa un oló insoportabel ku tabata bini di awa shushi.

Ayera den oranan di mainta e tim di Meo a bai patras di e stadion na Suffisant pa asina por a hasi un kontròl despues di a haña reklamo di un oló basta stinki ku a bin ta asotá e aria ya pa basta tempu. Durante di e kontròl a bin tuma nota di un awa shushi tabata kore konteniendo basta shushedat entre nan asta bichi. A sigui e ruta di e awa shushi kual a bin terminá na un kloaka na unda esaki tabata Sali for di dje. For di e investigashon a bin saka afó ku un pipa ku ta kondusí na e kloaka mester a kibra kual ta pone ku e awa shushi tabata sali afó. A keda di pone e instansha konserní na altura pa asina por a remediá e situashon mas lihé posibel.

A sigui e trayektoria di e awa shushi pa asina por a yega na e kuminsamentu.
A bin deskubrí ku ta un kloaka mester tabata kibra for di unda e awa shushi aki tabata sali.
Login