Back to Top
Responsive image
E korant di pueblo

Boto por poko ta bai pega riba ref


May 4, 2021 • 1 minüt pa lesa

Motor a dañá pone ku e boto a kuminsá drif bai kantu.

Willemstad— Un famia ku tabata den un boto di piskadó a pasa den un sustu formal despues ku e motor di e boto a bin dañá i e boto a kuminsá drif bai baranka.

Dado momento asta a logra di subi e boto na kantu.

Un tata i un yu a bai piska den aria di Banda Bou. Dado momento e motor di e boto a bin dañá kual a pone ku e boto a kuminsá drif bai kantu nèt na altura di Ref St Marie. No a keda e dos tripulante esta e tata i e yu nada mas di bula na awa mirando kon e boto tabata drif pa bai pega kontra kosta. Dado momento asta nan a haña yudansa na tera dor di algun suidadano ku a trata di trèk e boto pa asina pone esaki na kantu pero mirando e olanan di laman esaki no a resultá. Asta a pidi asistensia di warda kosta pero na dado momento un boto di piskadó a yega serka i asina a trèk e boto bai hiba esaki na tera. Sigur e tata i e yu a pasa den un sustu formal mirando kon brutu e laman tabata.

Via di un kabuya tabata trata na tene e boto na kantu pero e olanan tabata keda bati kontra di e boto.
No a dura masha ku un boto di piskadó a yega i asina por a tou e boto mas chikí bai tera kuné.

Login