Back to Top
Responsive image
E korant di pueblo

C.M.C. a duna un relato di nan promé 6 lunanan


May 16, 2020 • 3 minüt pa lesa

WILLEMSTAD—Tabata ayera djarason dia 13 mei 2020, ku Curaçao Medical Center ‘C.M.C.’, a tene un konferensha di prensa. Tabata un unu unda ku miembronan di prensa por a komuniká i tambe hasi pregunta danki na e sistema digital, unda no mester tabata huntu. Esnan ku tabata presente den representashon di CMC, despues di a duna informashonnan korespondiente, a kontesta tambe e diferente preguntanan risibí.

E konferensha a inisiá ku hefe di komunikashon di CMC, Germaine Gibbs introdusiendo esnan ku a komuniká ku prensa, despues di a deseá un i tur un felis dia i tambe introdusí su mes persona.

Durante di e konferensha di prensa aki, CMC tabata representá pa Gilbert Martina, kende ta e direktor interino, Ingomar Merkies, direktor médiko di e instituto i e direktor finansiero, kende ta Karina Lombardi.

E rueda di prensa a tuma lugá ayera, despues ku esaki tabata e intenshon for di luna di mart, unda ku tabata Covid-19 ku a opstakulisá esaki. A probechá awor, den e normal nobo, pa mesora duna un ‘update’ relashoná ku e promé 6 lunanan, despues di e apertura na novèmber 2019, unda ku mesora tambe a duna di konosé ku pa lokual ku a sobra di e aña 2020, ku kada 3 luna lo tene un konferensha di prensa.

Ayera a bai den detaye riba entre otro e situashon finansiero, 200 mion ku lo tabata falta i seguidamente kon a logra pa yega na esaki pa por a habri. Tambe a pone atenshon na e proseso di keho pa kalamidat, trayekto di Covid-19, tantu pa medikamentu i e impakto, unda tabatin 3 pashènt di kual un ainda ta interná, unu a fayesé i otro a rekuperá i a regresá kas.

Miéntras ku tambe a pone atenshon na e maneho di kapasidat, unda ta traha riba e lista di esnan kende ta pendiente pa un òf kualkier operashon. Sr. Martina a splika tambe ku despues di e apertura i e promé lunanan di operashon, ya por a tuma nota di e 3 áreanan ku mester a drecha ku urgensia. Esaki unda entre otro, pa loke ta laboratorio mester a traha ku ADC. Ku urgensia tambe mester a hasi adaptashon na e sistema di IT, huntu ku e parti di komunikashon telefóniko ku e instituto.

Miéntras ku e parti di registrashon na bali, tambe tabatin su atenshon. Gilbert Martina tambe a splika ku tabatin 3 diferente departamentu ku no a logra muda for di un inisio, unda ku awor ya 2 di esakinan a tuma luga. Ta trata di radioterapia, ku for di mart ta den e edifisio nobo, e parti pa atendé ku pashèntnan di kurason tambe ta na CMC for di siman pasá, miéntras ku ta e intenshon pa na yüni próksimo, e departamentu di intervenshon di radiologia tambe ta den e edifisio nobo.

Martina tambe a splika ku debí na Covid-19 unda tabatin pashèntnan ku no por a bai Colombia pa tratamentu, ku CMC, por a konta tambe ku pashèntnan for di Aruba, Boneiru i St. Maarten, unda próksimamente tambe lo bai yega na akuerdonan pa por sigui traha den futuro.

Pa loke ta e parti finansiero a indiká ku 75% di e retonan ta pa gastunan figo i e otro 25% pa material ku mester pa por traha debidamente, unda ku a hasi menshon ku tin 4 departamentu ku sigur ta yuda pa generá entrada, kual nan ta poli, e klínika, e departamentunan di diálisis i radiologia i sala di operashon, ku inkluso tabatin refuerso for di eksterior.

Seguidamente a interkambiá ku prensa i kontesta preguntanan risibí, pa na final na nòmber di gerensia, e direktor interino, kende ta Gilbert Martina, a gradisí i splika di a trese tur informashon abiertamente i kiko ta nan reto, unda ta i e atenshon pa e segundo parti di 2020, i kon pa sigui, sperando ku no tin nada mas ku lo stroba, ounke ku no por premirá esaki.

Login
Bo a pèrdè bo password? Porfabor hinka bo username òf email address. Nos lo manda bo un link via email kaminda bo por kambia bo password.