Back to Top
Responsive image
E korant di pueblo

Charles Cooper nos tin Plan B


May 15, 2021 • 1 minüt pa lesa

Charles Cooper, MFK. 

Punda– Segun Charles Cooper den un entrevista na Vigilante, ku Kòrsou no mester en prinsipio niun depchi di Hulanda. E prospekto minister a duna di konosé ku Kabinete Pik Pisas tin un Plan B.

Segun Cooper nan no ta bai aseptá sèn for di Hulanda bou di kondishonnan deskabeyá. I si nan ke bin pusha COHO den nos garganta nan por keda ku nan sèn, e la sigui duna di konosé. Pero Cooper a manda un mensahe tambe na Hulanda pa no stroba Kòrsou na momento bini ku un propio alternativa. Cooper a bisa di no ta bai divulga e plan B pasobra e no ke divulga nan strategia. Segun Cooper Kòrsou ta bai buska 2.5 bion florin den un término di 5 añ

E la bisa ku mester repartí e 2.5 bion den sinku aña igual na 500 mion anual na invershon. Esaki lo ta nan plan pa inverti den ekonomia di Kòrsou. Segun Cooper, Hulanda ta bai hunga un wega di para e fondo di sosten tambe. Pa final di yüni Hulanda mester refinansiá e Fondo di Sosten pa yuda rekuperá ekonomia di Kòrsou. Segun Cooper nan sa ku Hulanda ta hunga nan wega. Hulanda ta shantagiando pasobra nan ke duna un luna so di sosten na Kabinete Rhuggenaath en bes di 3 luna pa por krea un rosea te ku ougustus – septèmber. Pero segun Cooper nan tin un Plan B. Cooper ta bisa ku ta ekspertonan di taya tin tras di e plan.

Den un  karta Raymond Knops, sekretario di estado Relashonnan den Reino a informá si Kòrsou no ke partisipá den COHO mester paga 330 mion Euro na fiansanan pistolero entrante aprel 2022.

Login