Back to Top
Responsive image
E korant di pueblo

Chester Peterson: 'screening' no ta algu ku lo mester bai dura hopi


May 1, 2021 • 1 minüt pa lesa

Willemstad– Segun abogado i tambe informadó pa e siguiente gabinete sr. Chester Peterson, na su opinion e proseso di lokual ta wòrdu yama ‘screening’ no ta algu ku lo mester bai dura hopi. Esaki ta lokual ku e la indiká ayera durante di e firmamentu dje akuerdo di gobernashon.

Segun Peterson e proseso ta kanando básikamente hopi bon, e partidonan ta riba un linia ku otro i tambe por a mira ayera ku e entusiasmo i tambe e gana pa por kuminsá tambe tei. Peterson a indiká ku segun e proseso di lokual ta wòrdu yama ‘screening’ no ta algu ku mester dura hopi. Esaki paso ta kosnan atministrativo i esaki lo por bai relativamente hopi lihé.

Na e momentunan aki e akuerdo di gobernashon tei kaba i e siguiente paso ta pa yega na e proposishon pa loke ta trata e kandidatonan riba lista i unabes e ta kla lo bo por tin un Gobiernu. Den e historia nan a hera di haña esnan hopi kòrtiku i tambe esunnan ku ta dura hopi largu i un splikashon nunka e la mira di esei pero manera e la splika ta trata aki di algu atministrativo.

Mester wak den e registronan na man anto pa bisa kiko tin para ei den, pues sr. Peterson no ta mira e pakiko ku e proseso lo bai dura hopi. Sr. Peterson ta spera ku pronto lo tin un formashon aseptá pa Gobernador.

Login