Back to Top
Responsive image
E korant di pueblo

Churandy Martina pa di 5 okashon den weganan olímpiko


May 4, 2021 • 1 minüt pa lesa

WILLEMSTAD—E atleta Yu di Kòrsou di 36 aña di edat, Churandy Martina, kende durante di e fin di siman tras di lomba tabata parti di e ekipo di relevo hulandes, 4×100 meter den kompetensia mundial na Polonia, próksimamente lo bai ta den kompetensianan di weganan olímpiko.

Martina lo ta kompetiendo den su di 5 evento olímpiko, empatando e rekòrt, pa loke ta atleta maskulino, ‘sprinter’ di ‘Track & Field’, ku Kim Collins.

E atleta Kim di St. Kitts & Nevis, tin 45 aña di edat. Na aña 2003 e tabata kampion mundial riba distansia di 100 meter i a representá su isla, durante di e periodo di 1996 te ku 2016, na 5 okashon den kompetensianan olímpiko.

Ta trata aki tambe di e promé atleta di St. Kitts pa alkansá weganan olímpiko i e úniko atleta ku a logra un medaya di Oro den kompetensia mundial di su isla.

Kim inkluso ta atleta, kende Churandy Martina den pasado a kore kontra di dje.

Login