Back to Top
Responsive image
E korant di pueblo

CMC ta harma Hòspitènt na entrada di emergensia


July 22, 2021 • 1 minüt pa lesa

Willemstad– A harma hòspitènt Komo medida di prekoushon na entrada di sala di emergensia di CMC e desishon a wòrdu tuma dor di Outbreak Management Team  i Tim di kalamidat di Curaçao Medical Center (CMC). Den e promé fase, e tènt lo funshoná komo un “Tèst straat” solamente pa empleadonan di CMC ku mester tèst pa COVID-19.

CMC su regla pa tèst empleado ta hopi stringente i ta tèst asina ku tin un síntoma ku por ta relashoná ku COVID-19. Pues ta nifiká ku CMC ta èkstra alertá pa evitá un plamashon di COVID-19 den hòspital. CMC ta un mikrokosmo di Kòrsou, pues no ta nada straño ku tin 6 empleado di CMC ku a keda infektá pafó di hòspital i ku ta den isolashon na kas. 

Na momentu ku e kantidat di kasonan oumentá i CMC ta risibí mas ku 3 pashènt pareu ku COVID-19, e Hospitènt lo wòrdu konvertí na su funshon original ku ta pa evaluá pashèntnan ku bin hòspital pa motibu di emergensia ku sospecho di COVID-19.  Di e hòspitènt lo tuma desishon si e pashènt mester bai departamentu di COVID-19, Emergensia òf si e pashènt ta den estado pa por bai kas. Te na e momentunan aki e situashon na CMC ta bou di kòntròl ku solamente 1 pashènt interná pa motibu di COVID.

Login