Back to Top
Responsive image
E korant di pueblo

Curoil a tuma medida pa merkado di Boneiru


May 28, 2020 • 4 minüt pa lesa

WILLEMSTAD—Un merkado fuerte pa lokual ta trata operashon di Curoil ta esun di Boneiru. Ta asina ku aki a Kòrsou desishon a kai ku lo tuma sierto medidanan pa ku e operashon na Boneiru.

E informashon ku nos a risibí ta ku gerensia a disidí ku ta bai baha tur loke ta uitzendkrachten na Boneiru. For di nos fuentenan nos a komprondé ku e medida aki a kai di sorpresa debí ku segun nos fuente e kompania ta moviendo bon riba e merkado aki. Relashoná ku e informashon ku nos a risibí, nos a drenta den kontakto ku relashonista públiko di Curoil Sabine Curiel. E la splika Vigilante ku e reunion ku tabatin ayera ta esun di kada kuartal di Curoil i ku enbèrdat ta asina a bin pa dilanti ku lo pone un paro na tur trahadó di uitzendkracht na Boneiru.  Manera ya enfermo anteriormente, e pandemia di Covid-19, meskos ku ta e kaso na otro kompanianan, tabata tin su efekto tambe riba Curoil. Último lunanan, tantu pa ku nos merkado internashonal, komo esun lokal di Kòrsou i Boneiru, por a nota un bahada drástiko den aktividatnan komersial.
Na momento ku e trabounan ta rekerí esaki, Curoil ta hasi uso di uitzendkrachten pa por akapará e kantidat di trabou. E bahada den aktividatnan komersial, tin komo konsekuensia tambe ku e kantidat di trabounan a bira substansialmente ménos. Komo resultado di esaki, Curoil debidamente a enfermo uitzendkrachten via di nan uitzendbureau ku pa fin di yüni Curoil lo mester terminá kontrato ku e uitzendbureau, tabata e palabranan di Sabine Curiel. .

Login
Bo a pèrdè bo password? Porfabor hinka bo username òf email address. Nos lo manda bo un link via email kaminda bo por kambia bo password.