Back to Top
Responsive image
E korant di pueblo

Dama hopi kansa ta baha fo’i vehíkulo drumi riba kaminda


June 29, 2020 • 1 minüt pa lesa

Willemstad— Polis mester a bai den Schelpwijk pa un dama drumi riba kaminda patras di un vehíkulo den oranan di mardugá.

Algun siudadano ku tabata pasando den e bario di Schelpwijk a tuma nota di un dama na suela den oranan di mardugá. E dama tabata bin drumi tras di un SUV ku tambe tabata stashoná parsialmente riba kaminda. E suidadanonan aki mesora a tuma kontakto ku Polis pa nan bin atendé ku e situashon. Polisnan ku a yega a logra di lanta e dama ku tabata bon drumi i mesora a tuma nota ku esaki sigur tabata basta fuma. Primeramente e dama no por a kòrda su adrès pero si a bin tuma nota ku den e bario unda e tabata na suela sigur no tabata su adrès. A bin resultá ku e dama a kere ku e la yega kas i a baha for su vehíkulo i a lòk esaki. Despues e la dal dos stap kai drumi keriendo ku ta na kas riba kama e ta. Polis a tuma ku un familiar di dje i a keda di bai hib’é su kas despues ku a logra di verifiká su adrès.

Login
Bo a pèrdè bo password? Porfabor hinka bo username òf email address. Nos lo manda bo un link via email kaminda bo por kambia bo password.