Back to Top
Responsive image
E korant di pueblo

Deklarashon di e músiko Gedion Chandler a lanta hopi reakshon


May 31, 2020 • 2 minüt pa lesa

WILLEMSTAD,—-Hopi hende a tuma nota di e deklarashon ku e músiko pianista kompositor areglista Gedion Chandler a pone riba e plataforma di facebook.

Un deklarashon ku sigur a lanta basta stof. Vigilante Farándula a papia ku Gedion i a puntr’é su opinion riba loke ku el a skibi riba facebook. El a bisa ku loke ku tin riba facebook ta su opinion.

Esaki ta e deklarashon di Gedion Chandler “Bon dia bendishon pa nos tur.  Ami ta un di e músikonan ku a toka na Miles Jazz Cafe pa 10 aña largu. Dus foi dia nan a habri. I toevallig ami a  toka e último toka na Miles promé ku e lockdown. Esei tabata 14 di mart 2020. Ami komo un di e músikonan hopi aktivo na Miles kier duna mi opinion riba  henter e situashon ku a surgi kuenti  “Apen eiland”. 

“Na promé lugá Miles tin dos doño. Martin i Hans. Mi konosé tur dos i mi ta bon ku tur dos. Nos a krea un amistat di negoshi masha bunita  mes atraves di 10 aña.  Mi tin mas ku  20 aña ta toka den farándula di Kòrsou i nunka mi a haña e trato ekselente ku Martin i Hans a dunami komo músiko artista niun otro kaminda”. Ora mi bisabu trato ekselente mi kier men, for di e forma di saludá ora mi yega toka te na e pago na final di e anochi.

“Miles ta e úniko  negoshi na Kòrsou ku ta trata músikonan artista manera un Rei. Miles ta e úniko  negoshi na  Kòrsou ku ta paga e músiko artista mané e kaba di toka, dus mes mesora. Miles ta e úniko negoshi na Kòrsou ku despues di kada kansion e músiko artista ta haña un aplouso sinsero di e públiko. Miles ta e úniko negoshi na Kòrsou kaminda tin ” open bar”  henter anochi pa e músiko artista. Asta ora no ta bo dia di toka. Miles ta e negoshi ku ta paga e músiko mihó ku tur otro kaminda. Dus bon paga”.

“Martin I Hans  doñonan di Miles, nan kasánan ta hende muhé kolo skur manera ami. Hans a  faya bèrdat skibi kos pa loko pero el a pidi sòri i mi tin sigur ku e músikonan ku konosé djaserka a aseptá su sòri. Mi por komprondé pa tur esnan ku a sintínan mes ofendí dor di lokual el a skibi, pero wak e kòki,  un hende humilde nunka lo por wòrdu humiá. Esnan ku e palabra  “Apen eiland”  a dal mas duru ta esnan ku ta sinti nan mes te aya. Dia bo faya ku e hende ku mas bo ta stima lo bo sinti kon duru ta ora bo pidi pordon i e persona ei ku mas bo ta stima no kier pordonábú. Si bo no a pasá den e ko’i ainda, prepará bu pe paso e ta bin sigur. Yamami chupadó si bo ke.  Pero bai pensa ken ta esun ku bo ta stima mas den e bida ki. I dia bo faya kuné  si e no ke pordonábú lo bo feel kon duru e ko’i ta. Mi ta spera tur esnan ku a krítika i kaba ku Hans, nan wak pa nan ” gedraag”  ta 10”.

Login
Bo a pèrdè bo password? Porfabor hinka bo username òf email address. Nos lo manda bo un link via email kaminda bo por kambia bo password.