Willemstad,– Minister Zita Jesus Leito a bisa ayera durante rueda di prensa ku rònt mundu tin spekulashon tokante di Covid -19 i tambe e bakunanan, pero aki na Kòrsou nan ta traha pa duna informashon pa tur suidadano ta na altura kon nos ta kana e trayektonan aki.

E ta bisa meskos ku a kana e trayekto di Covid, ta spera ku ta kana e trayekto di vakuna aki tambe ku hopi éksito. El a splika ku den e di dos siman di bakuna ku tur probalidat lo kuminsá ku bakunashon na Kòrsou.

E ta bisa ku kada ken mester ta responsabel pa nan salu i hasi uso di tur loke a bin ta konsehá pa asina nos sigui riba e bon kaminda. E ta bisa ku tur dia nos ta siña mas den e pandemia aki ku ta algu mundial.