Back to Top
Responsive image
E korant di pueblo

Den futuro Festival di Tumba lo bai tin 1 Mc so


November 21, 2020 • 2 minüt pa lesa

WILLEMSTAD,—-Di informashon risibí ta bisa ku, tin algun moveshon hopi importante ta tumando lugá tras di kortina den direktiva di A.M.A.K. Ku ta para pa Asosashon Artista Músiko di Kòrsou.

 T’asina ku Vigilante Farándula a keda poné na altura ku, pa den futuro Festival di Tumba, lo bai tin solamente 1 Mc. No ta un sekreto ku riba e lastu dia di Festival di Tumba tras di lomba, Rignald Maduro a anunsiá ku, esaki tabata so último presentashon den Festival di Tumba komo Mc.

Ya for di ayera a bira konosí den Korant Vigilante su Pagina di farándula ku Rignald Maduro a bira bosero di tantu A.M.A.K. i Curaçao Festival Center, esaki ta nifiká ku e no ta bini mas komo Mc. Vigilante Farándula a drenta den kontakto ku Rignald Maduro, pero su telefon no tabata alkansabel, mas despues a drenta den kontakto ku Feko Gomes, pero sin resultado deseá.

Pero fuente di Vigilante Farándula a duna di konosé ku, den futuro Festival di Tumba, lo bai konta ku 1 solo Mc. i esaki lo bai ta Armando Huerta. Vigilante Farándula a drenta den kontakto ku Armando Huerta i Armando a bisa lo siguiente,”Loke ku bo ta bisami aki, ta algu nobo pa mi, loke si mi sa, ta ku, ami si tei komo Mc den futuro, ku ta mi so, si mi no ta na altura di dje, pero den pasado mi a yega di Mc. Festival di Tumba mi so, pues esaki no ta nada nobo pa mi persona, pero si bo ke mas kos rondó di Festival di Tumba, ta bon pa bo tuma kontakto ku sea Feko Goms òf Rignald maduro, paso ma tuma nota ku awor , Rignald ta e Bosero ofisial di tantu A.M.A.K. i Curaçao Festival Center, ta nan por dunabu tur informashon, ami tei pa hasi mi trabou komo Mc. Nada mas”.

Login