Willemstad—- E dia nan aki tin un tenshon formal bou di e detenidonan ku ya tin fecha pa por rekobrá nan libertat pero no ta tende nada di esaki.

Ta un tenshon formal tin e último dianan aki den prizon debí ku tin hopi detenido ku mester bai kas pero e sistema kon ta atendé ku e fecha pa bai kas i òf e banchi elektróniko ta un káos formal. Segun e detenidonan ku e parti di reklasering no ta kumpli ku nan deber manera mester ta. E sosiale werker nan no mes ki nan tarea den Prizon ta, e detenido ta sigui splika. Tin e señora pa e parto di resosialisashon pero esaki kasi niun dia no ta presente debí ku e ta riba lista di un partido i e dia nan aki ta kampaña e ta kore.

E parti di maneho ta hasi komo sifuera ku kosnan ta kanando mil maravilla den prizon kual sigur no ta e kaso.  E personal di vigilansha esta e bewakernan su tarea ta di yega mainta tuma yabi i habri e sèlnan, parti kuminda pa despues sera atardi bek, esta nada mas di sinta warda fin di luna yega pa kobra. Tin un centrale college ta un instansia ku mester pone e último firma pa un detenido por rekobrá su libertat pero esaki nan ta tumando algun desishon ku nan no sa mes ta kiko. Ta parse manera ta un toko den toko tin den prizon unda ta laga e detenido ku nan kier bai kas. Segun e detenido asta nan ta sospecha ku ta manera ta sèn ta tumando bou di menasa pa e detenido ku nan kier laga bai kas.

Si esaki ta kuadra ku bèrdat mester aserka nan tambe ya nan ta paga pa nan libertat. Segun e detenido ku tin basta kos ta pasando den e instituto ku ta pone nan pensa esaki. Segun e detenido e detenido Shairon Paulina ku ta sera pa bida largu, djasabra último a bai Barak. Pero tin vários detenido ku ya nan fecha a yega pa nan bai kas pero nan si no ta wòrdu manda pa barak. Ta manda Shairon debí kuné ta hasi tur propaganda awoki den prizon. Barak ta e parti ku ora un detenido falta 6 luna pa rekobrá su libertat e ta bai pa asina kuminsá resosialisá. Segun e  detenido e ku demas ku ainda ta sera kier un trato hustu. Mester para pa yuda i drecha un persona pa e Sali un mihó hende for di e instituto. Pero segun e detenido e prizon na Kòrsou no tin ningun klase di idea pa kiko e ta para pe.