Back to Top
Responsive image
E korant di pueblo

Diferente pais den kua kasonan di COVID-19 ta oumentá


June 30, 2020 • 1 minüt pa lesa

LATINOAMERIKA – Ya tin mas di 10 mil kaso di coronavírùs registrá na mundu i mas di 500.000 morto. I Amerika ta sigui komo e region mas gòlpiá pa e vírùs. Segun e datonan di e Universidat Johns Hopkins, Estádos Unídos i Brasil ta mantené e dos promé lugánan riba e lista ku 2.5 i 1.3 mion kontagio.

Brasil

Na Brasil e kasonan konfirmá a alkansá 1.344.143 i mortonan a alkansá 57.622. E ministerio di Salú di Brasil a reportá 30.476 kaso nobo den e último 24 oranan.  E pais ainda ta konfirmá reaperturanan den fase na sierto área.

Perú

Kasonan konfirmá na Perú a alkansá 279.419 i mortonan 9.327. Perú tin awor e di seis sifra mas haltu di kasonan konfirmá di coronavírùs na nivel mundial, superando Spaña i Italia.

Chile

Na Chile e kasonan konfirmá a alkansá 271.983 miéntras ku mortonan a alkansá 5.509. E minister di Salú, Enrique Paris, a indiká den e konferensha di prensa ku e sakrifisio hasí pa e personanan ta kuminsá duna resultado, pues ta importante pa e tendensia keda mantené.

Mexico

E kasonan konfirmá na Mexico a alkansá 216.852 miéntras mortonan a alkansá 26.648. Algun di e estadonan mehikano a kuminsá habri gradualmente su aktividatnan ekonómiko. 

Colombia

Na Colombia a konfirmá un total di 91.995 kaso i 3.256 morto. Ku kasi 92 mil kaso, Colombia a superá e numbernan di China, episentro original di e vírùs, ku a registrá 84.757 kaso i 4.641 morto.

Login
Bo a pèrdè bo password? Porfabor hinka bo username òf email address. Nos lo manda bo un link via email kaminda bo por kambia bo password.