Back to Top
Responsive image
E korant di pueblo

Disko kompakto nobo di “SO” na benta pa 5 florin na Barber Minimarket


May 31, 2020 • 1 minüt pa lesa

WILLEMSTAD,—- Hopi hende no ta na altura kuantu tempu i sèn un doño di banda i tambe músikonan ta inverti pa asina nan por realisá nan produkto final. Ta konosí ku último 10 aña tras di lomba e benta di CD práktikamente a baha ku 95%.

Esaki mes ta pone ku un agrupashon musikal no ta graba mas pa pone nan CD riba merkado pa bende. Nan ta graba pa tene nan banda i nan fanátikonan bibu. Desèmber aña pasá agrupashon musikal Sabor “S.O.”Original a sakaun CD nobo ku 8 piesa riba dje.

Esaki tabata pa promové e banda tantu na Kòrsou i na Hulanda. E banda “S.O.” tabatin plan pa subi tera friu den luna di yüni den e wikènt di “Dia di Tata, pa tres presentashon. Tambe mester bisa aserka ku músikonan di e banda mes ta bende nan CD pa asina nan por saka gastu ku nan a hasi di e grabashon.

Pero doño di agrupashon musikal Sabor “S.O.” Original algun dia tras di lomba a hañ’é ku sorpresá di su bida. Kaminda ku e la keda pone na altura ku na Barber pa ta eksakto na Baber Minimarket  nan ta bende e CD nobo di su banda esta agrupashon musikal Sabor “S.O.” Original pa solamente 5 florin. Vigilante Farándula a drenta den kontakto ku Win Palu. “Mi ta hopi rabia kon nan ta kue nos CD i bende esaki pa 5 florin sin ku nos ta na altura di esaki, mi a hinka e asuntu aki den man di mi Abogado, paso ta hopi sèn a hinka aden pa por a hasi e grabashon i awor den un Minimarket esaki ta na benta pa 5 florin”.

Login
Bo a pèrdè bo password? Porfabor hinka bo username òf email address. Nos lo manda bo un link via email kaminda bo por kambia bo password.