Izzy a splika ku e vírùs aki no ta kos di hasi wega kuné i ku ta algu serio.

Willemstad—Durante e rueda di prensa ku Gobièrnu di Kòrsou a tene dr. Izzy Gerstenbluth a indiká ku e la ripara den su “Whatsapp” ku ta mandando rònt ku e vírus ta solamente un grip e la splika ku esaki no ta bèrdat i ku esaki ta mas ku un grip.

E la splika ku e persona nan tin di opinion ku debí na e sifra nan por konkluí ku e vírus por ta temporada di grip pero esaki no ta asina. E la splika ku esun ku a manda biaha pasa na Hulanda por ta un grip pero ku e nunka den su bida e no a eksperensia un temporada di grip asin’aki na Kòrsou. Ku tin 104 persona interná den nos hospital i 33 persona ku a bin fayesé esei no ta un grip normal. Izzy ta súplika pe e persona nan por stòp di plama e notisia ei paso no ta bèrdat.

Izzy a bisa ku ken por a yega di eksperensia un temporada di grip ku a dura mas ku un aña. I ku mester stòp di plama notisia nan ku ta brua hende i kita nan for di e kaminda ku ta splika e informashon korekto. Paso ta bezig ta atendé ku algu ku ta hopi serio i ku por tin konsekuensia nan hopi grandi mara na dje.