Back to Top
Responsive image
E korant di pueblo

E diferensia di preis mas notabel a keda konstatá den e kategoria di alkohòl


November 24, 2020 • 2 minüt pa lesa

Willemstad—Despues di a publiká nos komparashonnan di preis di karni i fruta i berdura, Fundashon pa Konsumidó ta publiká awe e último parti di nos komparashon di preis pa loke ta trata luna di novèmber

  1. Bon Bini supermarket: e supermarket ku mihó preis.

A base di e resultadonan di nos komparashon di preis, Bon Bini supermarket ta resaltá komo e supermerkado ku mas tantu produkto na mihó preis pa loke ta trata e produktonan ku a keda anotá den periodo di 22 te 27 di òktober 2020. For di e lista ku 174 produkto, Bon Bini supermarket tabatin un kantidat di 36 produkto na un preis mas abou. Mangusa Hypermarket ta na di dos lugá ku un kantidat di 34 produkto mas barata i na di tres lugá Mangusa Rio Canario ku un kantidat di 24 produkto. 

  • Mangusa Hypermarket ta mihó surtí

Ku un kantidat di 149 produkto for di e 174 produktonan anotá, Mangusa Hypermarket tabata e supermerkado mihó surtí na momentu ku Fundashon pa Konsumidó a pasa anotá preis. Despues di Mangusa Hypermarket, Bon Bini supermarket ta na e di dos lugá ku un kantidat di 142 produkto i na di tres lugá Esperamos i Mangusa Rio  ku un total di 132 produkto.

  • Diferensia di preis

E diferensia di preis mas notabel a keda konstatá den e kategoria di alkohòl.  Aki por tuma nota di diferensianan di preis astronómiko entre e 22 establesimentunan ku a ser bishitá. Un bòter di Dewars (12 year) di 750ml ta kosta na Exito supermarket fl. 44.95 i na Esperamos esaki ta kosta fl. 89.25, kual ta un diferensia di preis di fl. 44.30. Un boter di Old Parr di 75cl ta kosta na Arco Iris supermarket fl. 86.60 i na Best Buy esaki ta kosta fl. 51.75, kual ta un diferensia di preis di fl. 34.85 entre e dos establesimentunan aki. E ultimo diferensia di preis notabel ta entre Esperamos supermarket i Arti’s supermarket. Un boter di Grey Goose Vodka di 750ml ta kosta na Asrti’s fl.60.00 i na Esperamos esaki ta kosta fl. 92.70, kual ta un diferensia di preis di fl. 32.70.

Login