Willemstad—Izzy Gerstenbluth a splika ku e grupo ku mas lo por wòrdu perhudiká pa e vírùs aki ta esun nan di 40 – 60 aña. Esaki e la indiká durante di e rueda di prensa ku Gobièrnu di Kòrsou a tene ayera pa ku e medida nan nobo ku lo bai keda stipulá dia 2 di Aprel binidero.

Izzy a indiká ku ya ta vários biaha kaba e la splika ku e grupo entre 40 – 60 aña aki ta esun ku mas por wòrdu perhudiká. E grupo aki ta esun mayoritario ku ta wòrdu afektá, pero te ku awor aki esaki por wòrdu reflehá tambe den nos hospital tambe kiko ta drenta Kuido Intensivo. Esaki paso ta pèrdiendo hende nan mas hóben tambe entre e persona nan ku a fayesé hopi di nan ta hóben. A bin pèrdè persona nan entre 20- 24- 45 aña, no ta papiando di persona nan mas grandi di 80+ ku tambe lo no ta great si nan bin fayesé.

Pero ta papiando di persona nan yòn ku ta muriendo den e parti mas vital di nan bida. Bo pèrdida nan di produkshon i pèrdida di aña nan potensial ku un hende tin  i esaki ta inkreibel. Un di e kosnan mas prinsipal ku por hasi pa frena awor mas ku nunka ta bakuna. Gobièrnu ke pa tur persona bakuna i mas prinsipal e grupo di mas vital pa asina por frena e pèrdida di mas hende yòn. E grupo entre 40-60 ta esun ku ta traha e yuist p’esei nan mester wòrdu bakuna.

E pensamentu aki ta paso si frena pa asina evitá ku nan ta haña infekshon e ora ei por frena lokual ta drenta nos hospital. Ta frena yuist esun na ku ta wòrdu afektá mas tantu anto e ora ei ta yuda. P’esei Izzy i tambe Gobièrnu ke inspirá pa bai bakuna ya asina por frena tambe lokual ku ta drenta nos hospital.