Back to Top
Responsive image
E korant di pueblo

E solidaridat ku asina tantu mi ta bòga pe, no tabata ta presente ni den e krísis aki


June 29, 2020 • 1 minüt pa lesa

Willemstad,– Parlamentario pa partido MAN señora Giselle Mc William ta bisa ku ta ku hopi tristesa el a mira no aworakí so, sino for di tempu e tabata Minister di Desaroyo Ekonómiko kon gruponan di interes no importá klase sosial òf gremio nan aktonan ta reflehá den momentonan mas frágil di nos historia ku interes personal ta na promé lugá.

E parlamentario ta bisa ku e solidaridat ku asina tantu e ta bòga pe, no tabata ni ta presente den e krísis aki. “Please, no bin bisami ku dikon mi no ta entregá sèn di mi salario,pasombra esaki ta algu ku awe esun ku ta broma ku nan ta hasié pa boso wak, dos aña pasa nan mes tabata kontra i a tilda mi di ta populista ora mi a proponé esaki”, asina señora Mc William a splika.

E ta enfatisá ku manera hopi di su koleganan el a sigui yuda paga resibu di Aqualectra, kumpra kuminda, kumpra lèptòp pa muchanan, unifòrm etc etc sin ku niun hende sa esaki pa niun hende ni pensa ku ta polítika e ta hasi. “Mi ta sigui yuda manera semper i manera mi a lanta den mi kas”, asina el a bisa.

Eks minister di Ekonomia i aktualmente parlamentario pa partido MAN señora Mc William ta bisa ku dia a habri despues di “lockdown” e tabatin un sentimentu miksto di prekupashon ku e  no tabata komprendé kiko ta bai bin, pero awe el a realisá ku no ta COVID 19 sino ta nos mes.
“Awe mi a realisá ku e solidaridat ta un soño ku ainda nos no por realisá komo ruman”, segun parlamentario Giselle Mc William.

Login
Bo a pèrdè bo password? Porfabor hinka bo username òf email address. Nos lo manda bo un link via email kaminda bo por kambia bo password.