Back to Top
Responsive image
E korant di pueblo

‘E zùster a papia kos for di sla ku mi p’esei mi a mishi kuné’


June 30, 2020 • 2 minüt pa lesa

WILLEMSTAD,—- Durante tratamentu di kaso inmoral kontra e hòmber Liyandel A. wes a puntr’é kiko por a drenta su kabes pa e hasi algu asina ku e víktima, ku a presentá pa dun’é servisio ku sigur ta den su benefisio. Segun Liyandel ku e víktima lo a papia kosnan for di sla kuné,esta hasi kayente kuné ku konsekuensia ku e la bai mishi kuné. El a para ariba ku ta e zùster tabata papia kosnan for di sla kuné i despues e la bin komprondé ku e zùster tòg no tabata ke.

Liyandel den korte ayera a keda konfrontá ku despues ku e víktima kende ta un zùster lo a kaba di pas’é angua, ku ta kontené un remedi ku ta kalm’é, e la bisa e víktima ku e tin ku dun’é un sunchi promé ku e bai. Tabata despues ku e víktima  puntr’é kiko ta pasando kuné ku el a kue e víktima tene i a indiká na dje ku e ta yòn i ku e tin ku hasi tur kos pe. Mas aleu a bin dilanti ku e hòmber Liyandel lo a asta pasa su man na su pechu i kue tene miéntras despues  el a pasa man na parti íntimo di e víktima i e parti aki tambe e la kue tene.

E víktima kende tabata spantá a trata na kore bai unda manera el a haña chèns di hui e la yama su kolega pa indiká na dje kiko a kaba di pasa kuné algun ratu promé. E kolega di e víktima a deklará komo testigu kual e la bisa ku e dama a yama basta spantá i pidié yudansa indikando ku e sospechoso a kaba di mishi kuné i kier a oblig’é dun’é un sunchi. Tabata na momentu ku e sospechoso a kaba di kue e víktima tene ku el a haña un chèns di lòs, ku e víktima a bisé sospechoso pa e por kita for di e porta pa e bai pafó, ku e sospechoso a splik’é ku e no ta sali for di e porta ei si e no  dun’é un sunchi.

Wes mr. Edelenbos a indiká ayera den korte ku e ta haña e kaso unu hopi delikado i serio, kual el a splika ku tin ku hasi mas investigashon pa wak kon di otro manera tòg e sospechoso por keda haña su medikamentu, pero sin ku e suseso aki por tuma lugá. Tabata aki ku a bin ku e idea pa e hòmber bai haña medikamentu serka su tanta, kual ta bai wak kon esaki por tuma lugá.

E víktima mes no tabata tei na korte pero si Slachtofferhulp tabata tei pa represent’é unda via di nan el a trese su petishon di daño perhuisio. Wes a disidí ayera ku e kaso no por sigui debí ku e informashonnan ku falta den benefisio di e sospechoso. E kaso lo sigui 24 yüli benidero.

Login
Bo a pèrdè bo password? Porfabor hinka bo username òf email address. Nos lo manda bo un link via email kaminda bo por kambia bo password.