Back to Top
Responsive image
E korant di pueblo

Famia di pelotero profeshonal kier a ekstorshon’é 60 mion


May 28, 2020 • 4 minüt pa lesa

WILLEMSTAD,— Famia di un pelotero profeshonal kier a ekstorshoná e pelotero i su famia un montante basta grandi di plaka. Ta trata aki di e sospechoso Carlton S. kende via di su mama lo tabata trata na kita plaka for di su propio famia ku lo ta militá den un ekipo di beisbòl na e nivel máksimo di beisbòl na Merka.

E sospechoso kier a ekstorshoná su propio famia, kual el a bisa nan ku e kier un montante di 60 mion dòler. 1 di febrüari tras di lomba e sospechoso a keda deten’é, kual wes a bisa ku si e laga e sospechoso bolbe bai kas dia e kaba di sinta su kastigu e ta bolbe bira un molèster pa nos komunidat i netamente pa esaki kier pa e bai na un instansia, kual e por haña yudansa mirando ku segun Ministerio Públiko i tambe wes ku e mester di esaki.

Tabata den e periodo di 18 mart 2018 pa 31 yanüari 2020 ku e sospechoso den forma di un menasa lo a aserká e famia di un pelotero kual e la bisa nan ku nan mester pag’é e montante ku el a menshoná òf esaki lo tin konsekuensia pa nan. Wes mr. Edelenbos ayera durante pro forma di e kaso, a bisa ku e no ta haña ku e sospechoso por drenta nos komunidat bèk despues ku e kaba di sinta su kastigu, mirando ku lo e bira un molèster pa nos pais na momentu ku e rekobrá su libertat.

E wes a papia di posibel  chèns ku tin pa e sospechoso drenta den Klínika Capriles, ya asina e por haña tratamentu i e remedi nan ku e mester. E sospechoso a asta bisa e miembronan di famia ku lo e tira nan si nan no kumpli ku loke el a pidi nan.

Login
Bo a pèrdè bo password? Porfabor hinka bo username òf email address. Nos lo manda bo un link via email kaminda bo por kambia bo password.