Back to Top
Responsive image
E korant di pueblo

Freddy Hernandez ku 2 gol pa Undeba logra 1 punto kontra S.U.B.T.


June 30, 2020 • 1 minüt pa lesa

WILLEMSTAD—E orguyonan di bándabou Undeba, dirigí pa Ingemar ‘Inchi’ Pieternella i e barika helnan di Kintjan S.U.B.T. ku ta bou di direkshon tékniko di Heinrich van Uytrecht, a hunga simultaniamente ku e wega den SDK, den mesun bario di Brievengat, riba tereno di Stadion di FFK ayera nochi.

Tabata partido ku a keda dirigí pa rèfri Javier Jauregui, kende a konta ku asistensia na liñanan di Rubineck Matilda i Alvaro de Avila, miéntras ku Sam Hye tabata na mesa.

E wega a sosegá ku S.U.B.T. den bentaha despues ku Edgar ‘Gachi’ Casianni a anotá faltando 4 minüt pa e pitaso pa sosiegu. Trempan den e parti komplementario, hungando apénas 3 minüt, Freddy Hernandez ta sòru pa e empate di Undeba.

7 minüt despues, Remsley Boelijn ta bolbe duna e ekipo di Kintjan bentaha, pa finalmente na minüt 68, Freddy Hernandez, bolbe anotá i asina empatá e partido na 2, kual a bira e resultado final di e enkuentro, unda ámbos ekipo a regresá kas ku 1 punto, despues di e empate na 2 gol.

Promé divishon FFK, lo kontinuá mañan ku 2 wega.

Login
Bo a pèrdè bo password? Porfabor hinka bo username òf email address. Nos lo manda bo un link via email kaminda bo por kambia bo password.