Back to Top
Responsive image
E korant di pueblo

Gijsbertha: e 63 mion ta na kaminda!


June 2, 2020 • 4 minüt pa lesa

Punda—Segun minister di Finansas Públiko, Kenneth Gijbertha, Hulanda ta bai manda e 63 mion pa Fondo si Sosten. Esaki e la duna di konosé na Vigilante.

E desishon tabata pendiente un kontesta ku Kòrsou mester a manda pa Cft. Siman pasá Kòrsou a logra hasi esei i djaluna último Cft a manda informá sekretario di estado Raymond Knops ku Kòrsou a kumpli ku eksigenshanan pa por risibí e 63 mion florin ku falta. Manera ta konosí, ya kaba Hulanda a manda 141 mion pa sosten di presupuesto.

Te ainda, Kòrsou a risibí na sosten for di Hulanda un suma di 141 mion florin, den kual 34 mion lo ta pagabel final di mei. Ainda tabata falta 63 mion florin kual tabata mará’ na e serinan di kondishon anunsiá pa Raymond Knops. Tantu e 141 mion florin komo e 63 mion florin mester wòrdu pagá bek den forma di dòler. Pero, segun e kálkulonan preliminar e 204 mion no ta sufisiente. Sin duna spesifikashon unda e fondonan lo wòrdu repartí, presidente di e komishon finansiero Covid 19, Daisy Tyrol Carolus durante su promé rueda di prensa a duna di konosé ku un suma di 291 mion ta nesesario pa logra kompensá pèrdida den ekonomia di Kòrsou. Esaki pa mantené kuponan di trabou, ayudo sosial i kompensashon riba pèrdida di ganashi. Miéntras tin 290 mion pa kompensá komersialmente, mester di un suma adishonal di 300 mion florin pa finansiá pèrdida fiskal den forma di impuesto. Te ainda Kòrsou mester a risibí 141 mion, pendiente e tranche adishonal di 63 mion. En total 204 mion, kual 63 ta supsidio pa salario via NOW i 141 ayudo di presupuesto



Login
Bo a pèrdè bo password? Porfabor hinka bo username òf email address. Nos lo manda bo un link via email kaminda bo por kambia bo password.