Back to Top
Responsive image
E korant di pueblo

Gobièrnu di Puerto Rico ta ekstendé toke de keda


June 30, 2020 • 2 minüt pa lesa

SAN JUAN – Komo parti di e desishonnan tumá durante e último lunanan, a bin ta ordená diferente kos debí na e pandemia di COVID-19 na Puerto Rico. Pa e mesun motibu aki e gobernadó Wanda Vazquez a emití un dekreto nobo ku ta ekstendé e toke di keda te ku dia 22 di yüli próksimo. Pero esaki lo ta awor di 10or pa 5or di mainta.

E dekreto ta establesé ku e trahadónan di gobièrnu di Puerto Rico lo tin di kuminsá laborá bèk kuminsando dia 1 próksimo. Ku e propósito pa preservá e salú i seguridat di e trahadónan públiko, kada kabesante di agensia lo tin di mantené tur e medidanan di seguridat, salú i kòntròl di infekshonnan.

Meskos ku e òrdu nan ehekutivo anterior, tin di duna importansia na hasi uso di tapa boka na tur momentu, segun rekomendashonnan di ‘task force’ médiko i e Sekretario di Salú. E medidanan di koutela lo ta obligatorio pa kumpli kuné na tur momentu riba e área di trabou i tin di mantené espasio mínimo di seis pia entre personanan ku bishitá e establesimentunan, tienda, restorant, sine òf ofisinanan. Esaki pa di e forma aki evitá aglomerashonnan innesesario.

Den kaso ku no kumpli ku e medidanan aki, lo ta inkumpliendo òrdunan, pa kua lo por haña un but.

E agensianan ku ta ofresé servisio na siudadanonan lo por kuminsá risibí públiko den nan instalashonnan kuminsando dia 6 di yüli próksimo, tumando media nan di e plannan pa ku COVID-19. Kada agensia den su partikularidat lo tin di notifiká siudadanonan di kondishonnan pa e atenshon i ofresementu di servisio.

Miéntras ku pa loke ta trata e servisio di sentronan edukativo, universidat i institushonnan lo tin di elaborá un protokòl pa COVID-19 konforme rekomendashonnan di e Sentro di Kontròl i Prevenshon di Enfermedat, e Departamentu di Salú i normanan Atministrativo di Seguridat i Salú Okupashonal.

Dia 11 di yüni último, e gobernadó a emití un dekreto via di kua a permití aktivá e terser fase di reapertura ekonómiko di vários establesimentu komersial, entre kua tin sine, gimnasio, museo i sentronan di estétika personal.

Tambe a outorisá apertura di playanan pero no ta permití agrupashon sin medidanan kouteloso i distansiamentu sosial.

Te ku fin di siman tras di lomba, e Departamento di Salú di Puerto Rico a registrá 1.624 kasp konfirmá di coronavírùs i 153 morto.

Login
Bo a pèrdè bo password? Porfabor hinka bo username òf email address. Nos lo manda bo un link via email kaminda bo por kambia bo password.