Sra. Gerda kende su kas a kima i tin e pensamentu ku esaki a keda hasi di forma intenshonal.

Punda- Despues ku kandela a destruí e kas den Penstraat a hiba  kombersashon ku Sra. Gerda kende ta esun ku su kas a kima.

E dama a splika ku e mes tin gana di sa kiko a okashoná e kandela den su kas E dama a deklará ku tin hopi kos malu ta pasa na Kòrsou i ku e tin e pensamentu ku ta intenshonalmente a kima su kas.   E la sigui splika ku e kas ta di su tawela kende ta Doctor Da Costa Gomez su tata. Na momentu ku e kandela a kuminsá e dama a splika ku e tabata riba su kama i e la lanta bai wak kiko tabata pasando i for di su sala e la wak den área di e baño i e la mira e kandela ku ya tabata te na e dak.

Mesora e la bai den kushina unda e la bai los e bòm di gas, mirando ku esei eksplotá eiden e ora ei si e no ta sobra nada  mas den e kas. Seguidamente e la  pasa man kue su dos kachónan sali bai pafo i bai para te na altura di e botika. E dama a splika ku e i su yu hòmber i un persona mas ta biba den e edifisio. E lokenan ku a kima e la sigui splika ku nunka mas e lo no haña nan bek. Ta hopi esfuerso e la hasi pa e trabounan ku e la krea i ku ta imposibel pa e por yega na nan bek, paso lo e no tin kabes pa hasi esei mas. Tambe e la papia di e gobièrnu ku 10 aña ku e la bati porta di gobièrnu pa nan por a dun’é un trabou i ta bisa ku nan a tira esaki den kos di shushi.

E dama a splika ku e ta pensa ku ta kima nan a kima su kas. E ta tratando na pone un museo di e trabounan ku doctor a hasi. Investigashon tin ku determiná kiko ta e orígen di e kandela mirando ku e dama ta deklará ku e ta pensa ku esaki ta trata di un kandela intenshonal. Foto 1 Sra. Gerda kende su kas a kima i tin e pensamentu ku esaki a keda hasi di forma intenshonal.

Reportero di Vigilante na e sitio a tene un entrevisa live ku sra. Gerda

https://www.facebook.com/234796619994905/videos/185539076945566