Back to Top
Responsive image
E korant di pueblo

Hòmber detené den kas pa poseshon di arm’é kandela i tambe bala


May 29, 2020 • 4 minüt pa lesa

Willemstad— Den oranan di mainta tabata e tim di aresto ku a drenta den kas den Kaya Rosamarein pa asina por a detené un sospechoso pa violashon di e lei di arma i tambe droga.

Relashoná ku un investigashon ku ta andando pa violashon di lei di arma i opio, polis a tene un entrada hudisial den un kas na Kaya Rosamarein.  Tabata e tim di DGC ku ta hasi investigashon den kasonan di krímennan Organisá a hasi petishon na e tim di aresto pa drenta den e kas i realisá detenshon di un sospechoso ku nan a bin ta investigando.

Djaweps 28 di mei 2020 alrededor di 05.40’or, durante investigashon den un kas na Kaya Rosamarein polis a haña i konfiská un arma di kandela i un kantidat di bala skèrpi. Na e kas a detené e hòmber sospechoso P.M. nasé na Kòrsou di 37 aña di edat, pa violashon di lei di arma di kandela.

A presentá e sospechoso dilanti un Fiskal Ouksiliar ku a ordená su enkarselamentu pendiente di mas investigashon.

Login
Bo a pèrdè bo password? Porfabor hinka bo username òf email address. Nos lo manda bo un link via email kaminda bo por kambia bo password.