Back to Top
Responsive image
E korant di pueblo

Hòmber kastigá pa droga na Venezuela den korte pa atrako


June 29, 2020 • 1 minüt pa lesa

WILLEMSTAD,—- E hòmber Juan Ruiz kende a skucha un demanda di 4 aña prizòn serka Ministerio Públiko, pa atrako, intento asesinato riba polis i poseshon arma kandela 1 òktober aña pasá,  a indiká ku e la yega di kai den man di hustisia na Venezuela pa poseshon di droga, kual el a haña un kondena pa esaki. E la indiká ku e tin 4 aña na Kòrsou i ku ta motibu di trabou, a pone ku el a bai tira atrako riba e kantor di number.

Wes a pasa den pasado di e hòmber Ruiz kual a bin nota den un rapòrt ku a traha di dje ku ya e la keda detené na su pais den pasado i lo a haña un kondena. Ruiz kende ta un venezolano, a keda detené den pasado pa poseshon di droga, kual el a bisa ku e la haña kondena di trabou pa esaki. Tambe el a indiká ku e tin algu mas ku 4 aña aki na Kòrsou di un forma ilegal i ku e no tabatin sèn na momentu ku e la bai tira atrako i tabata den nesesidat serio pa haña plaka.

E ta úniko ku a indiká ku e ta den problema finansiero i a atmití ku el a bai tira atrako,miéntras su kómplise nan ta para riba inosensia i bisa nan no tabata sa mes ku Ruiz tabata bai tira atrako riba e kanto di number. Ruiz a asta indiká ku su kómplise nan tabata sa di e atrako, kual el a bisa wes ku e atrako tabata plania kaba promé ku nan yega e negoshi i ehekutá esaki.

Login
Bo a pèrdè bo password? Porfabor hinka bo username òf email address. Nos lo manda bo un link via email kaminda bo por kambia bo password.