Back to Top
Responsive image
E korant di pueblo

Hòmber ku a instiga pa pega mitar Kòrsou na kandela detené


June 29, 2020 • 1 minüt pa lesa

Willemstad—  E tim di aresto ayera den oranan di mèrdia a realisá aresto di un hòmber ku tabata pone  menasa nan riba facebook di lo pega mitar Kòrsou na kandela si e hòmber Lon Muteel no wòrdu liberá.

Riba retnan sosial outoridatnan tabata sigui un hòmber ku tabata trata di instiga e pueblo. Ta trata di un hòmber ku a forma parti di e manifestashon último esta dia 24 di yüni. E hòmber aki a splika  riba facebook ku mester laga un di e manifestadonan bai esta di pone bek den libertat sino lo bai sinti e efekto di esaki. Tambe e la pidi pa reuní na e vèlt di bala den e bario di Buena Vista. Mas despues a saka un otro grabashon unda no por a mira su imáhen pero si por a tende su stèm indikando ku si no laga e manifestado liber mitar Kòrsou lo ta na kandela.  En konekshon ku instigashon i komplisidat na sendementu di kandela, destrukshon i intento di maltrato ku arma, polis a detené un persona.

Awe djabièrnè 26 di yüni 2020, alrededor di 12.25 or, polis a detené e hòmber A.J.A. nasé na Kòrsou di 23 aña di edat pa e kaso ariba menshoná.

Detenshon a tuma lugá riba F.D. Rooseveltweg.

A presentá e sospechoso dilanti di un fiskal ouksiliar ku a ordená su enkarselamentu pendiente di mas investigashon.

Login
Bo a pèrdè bo password? Porfabor hinka bo username òf email address. Nos lo manda bo un link via email kaminda bo por kambia bo password.