Back to Top
Responsive image
E korant di pueblo

Hòmber sospechá poseshon arma lagá den libertat


June 29, 2020 • 1 minüt pa lesa

WILLEMSTAD,—E hòmber E.J. kende a keda detené ku arma kandela 14 yüni último den Saliña, a rekobrá su libertat. Ta trata aki di un hòmber ku lo tabata move den un Volkwagen Jetta, den poseshon di un arma kandela, ku mesora polis lo a detené pa esaki. Primeramente a realisá detenshon di tur 4 persona ku tabata den e vehíkulo kual despues a laga 2 di nan bai kas. E.J. a keda lagá den libertat pa wes komisario i ta pendiente pa su kaso bai korte.

E.J. kende resientemente ya tabatin problema ku hustisia a bolbe haña su mes ku problema ku hustisia. Tabata 2 aña pasá ku E.J. lo tabata den un aksidente ku a kousa morto di un dama. Pa e kaso aki E.J. tabata den korte. E.J. lo tabata move den un Volkswagen Jetta, unda el a keda pará i kontrolá pa algun miembro di kuerpo polisial, a bin haña un arma den e vehíkulo.

Mesora a realisá detenshon di tur 4 persona den e vehíkulo kual 2 dama a keda lagá den libertat despues. Tabata djarason tras di lomba, ku E.J. tambe a logra rekobrá su libertat pa e kaso. Loke sigur tabata importante den e kaso, ta echo ku no por a haña algun prosèsverbal niun kaminda. Segun indikashon ku tabata falta por lo ménos 3 prosèsverbal ku ta di suma importansia pa e kaso. Netamente pa esaki a laga e hòmber E.J. despues ku Ministerio Públiko mes a indiká ku nan no tin nada kontra pa e hòmber bai kas.

E.J. kende lo tin presentá na korte próksimamente, a bai kas pendiente pa un fecha di tratamentu.

Login
Bo a pèrdè bo password? Porfabor hinka bo username òf email address. Nos lo manda bo un link via email kaminda bo por kambia bo password.