Back to Top
Responsive image
E korant di pueblo

Hòmber ta denunsia ladronisia di chapaleta di boto


May 23, 2020 • 1 minüt pa lesa

Willemstad—- Polis mester a bai na e haf na Caracasbaai unda un denunsiante tabata warda asistensia di Polis pa asina duna keho pa ladronisia di chapaleta di un boto.

Na e haf na Caracasbaai polis a bin topa ku e denunsiante kual a splika ku deskonosínan a subi e tereno dor di kòrta e waya pa asina por a yega na un boto basta grandi ku tin ya ratu pone na tera. Segun e denunsiante ku nan a bai na e boto unda a kita e chapaleta bai kuné kual sigur tabata pa bai bende esaki pa heru bieu.  Tambe e suidadano a splika ku nan a bai ku su vlòt tambe ku tabata pone na tera i e tin e sospecho ku algun persona lo ta hasiendo uso di e vlòt aki durante trabou na e pir den e haf di Caracasbaai mes. Polis a bai na unda e hòmber probablemente a mira su vlòt i a bin topa ku un grupo laborando hasiendo uso di un vlòt. E grupo por a prueba ku nan a bin ku nan mes vlòt pa hasi nan trabou esta ku e vlòt sigur no tabata di e hòmber. E suidadano a keda di wak na unda su vlòt por ta i lo pasa na warda pa entrega su denunsia.

E denunsiante a indiká na polis ku a kue su vlòt bai kuné.
Login
Bo a pèrdè bo password? Porfabor hinka bo username òf email address. Nos lo manda bo un link via email kaminda bo por kambia bo password.