Back to Top
Vigilante banner image

Hulanda a pone skruf riba Pik: “No tin mas sèn te ora kumpli”


June 19, 2021 • 2 minüt pa lesa

Punda— Apesar ku na Kòrsou, Komishon pa Supervishon Finansiero, a duna konseho pa fia Korsou 168 mion florin fo’i un petishon di 187 mion, Hunta di Minister di Reino a ninga. Esaki ta nifiká un señal bon kla na Kabinete Pisas ku nan mester kumpli ku eksigensianan. E.o. tuma e medidanan preskribí den COHO/Pakete di Pais.

Hulanda ta papiando di duna “tiki tiki” lokual ta nifiká ku mester kumpli pa haña. Miéntras Hunta di Minister di Reino a bai di akuerdo pa fia Aruba 181 mion florin, Kòrsou i St. Maarten a keda kòrtiku. Cft a konsehá pa duna St. Maarten 48 mion, kual no a keda aprobá pues. E desishon ta problema grandi pa kabinete Pisas. Si Pik i si grupo den Fòrti no firma COHO, su kabinete ta kore peliger serio pasobra hopi kosto no por wòrdu pagá.  Pa 2021 tin un definí di likides enorme. Ta trata di 536 mion florin, ku Kòrsou mester komo finansiamentu èkstra pa por finansiá gastunan di gobièrnu. Ya kaba, final di yüni, aki dos siman lo e falta 10 mion florin miéntras su défisit lo sigui krese na 53 mion florin na yüli, 120 mion na ougùstùs, 187 mion florin na sèptèmber, 270 mion florin na òktober, 340 mion na novèmber i pa final di desèmber sin medida drástiko e defiti total ta sera na 536 mion florin. E 536 mion florin ta sin konsiderá finansiamentu eksterno, probablemente di Hulanda.

Minister di finansas Javier Silvania riba ret sosial ta puntra si su bachi ta keda bon. Kòrsou ta konfrontando un problema di mei bion florin.

Un karta firmá pa Ministernan Eugene Rhuggenaath i Kenneth Gijsbertha riba 1 di yüni último, ta konfirmá ku Kòrsou a manda súplika èkstra sosten finansiero pa finansiá di tres kuartal 2021. E karta dirigí na Mark Rutte ta splika ku un di dos lockdown a krea mas défisit den likides di Kòrsou. E karta a súplika pa un sosten di 187 mion florin, lokual ta lokual ta spera ku tin mester na likides durante di tres kuartal 2021. Cft a konsehá pa duna 168 mion i Hunta di Minister di Reino a bisa “warda”.  For di novèmber 2020, Kòrsou no a risibi finansiamentu adishonal i Hulanda entretantu a pone su kondishonnan. Un otro aspekto ta bira kon leu e likides di gobièrnu ta sigui mantené awor ku mester kumpli ku COHO.



Login