Back to Top
Vigilante banner image

Importansha di tin un bon komunikashon ku bo yu


December 3, 2020 • 3 minüt pa lesa

Punda— Ta hopi importante pa abo komo mayor tin un bon relashon ku bo yu/ nan. Paternidat ta e trabou di mas satisfaktorio ku hamas lo bo tin den bo bida, pero e no ta unu sin su desafio nan.

E bida di un famia moderno por tin strès, i ku basta preshon riba e famia no ta semper e kos nan lo ta fásil. Últimamente e mayor nan ke kos nan bon so pa nan yu nan i un relashon sólido entre mayor i yu por yuda generá mihó resultado nan pa e yu.  

Dikon ta importante pa tin un relashon positivo entre mayor i yu?

E relashon di mayor ku yu ta unu ku ta físiko, emoshonal i promové desaroyo sosial di e yu. Ta un bant úniko ku kada mucha i kada mayor por disfrutá i sinti. E relashon aki ta pone ku e fundeshi pa e ku e mucha su personalidat, su eskoho nan di bida i e komportashon di e yu ta bai bon den su bida. E por afektá tambe e forsa di nan bida sosial, salú físiko,  salú mental i emoshonal.

Algun bentaha nan:

  • Mucha nan ku lanta den un ambiente sano i sigurá na nan mayor nan, lo por tin mas oportunidat di desaroyá un relashon felis i satisfecho ku otro persona nan ku drenta nan bida.
  • Un mucha ku tin un relashon sano ku su mayor nan ta siña regulá su emoshon nan bou di preshon di strès i situashon nan difísil.
  • Promové  e desaroyo mental, lingwista i desaroyo emoshonal di e yu.
  • E ta yuda e mucha ta optimista i ta sigur di su mes.
  • E partisipashon i intervenshon saludabel di e mayornan den bida diario di e mucha ta pone e base pa mihó habilidat nan sosial i akadémiko.
  • Un bon bant ta kondusí e yu  na un desaroyo sosial,  saludabel, emoshonal, kognitivo. Mucha nan tambe por optené abilidat pa por resolvé problema nan ku presentá den nan bida si nan tin un relashon positivo ku nan mayornan.

Tin ‘One – size fits all” si e ta bai a base di paternidat, mayor nan ta kambia i adaptá segun e yu ta sigui krese. E siguimentu di sierto teps nan pa un Paternidat positivo por yuda si e ta bai a base di por tin un relashon positivo kubo yu. Trata kada interakshon manera un chèns pa por konektá ku bo yu.  Ta mas konsiente riba kon pa trata e yu , lag’é sintié bon. Laga e yu sinti ku lobo tei pe semper asta den situashon nan difísil. Mucha nan mester di  struktura i un bon guia. Papia ku e yu loke abo komo mayor ta ferwagt di dje i sòru pa e komprondé esei tambe.  Ta un “role model” i mustra e yu kon e mester komportá su mes dor di bo mes su akshon nan. Na momentu ku bo ta traha ku bo yu pa buska un solushon pa un problema, e ta siña kon pa dil  ku e difikultat nan na un manera apropiá. Formamentu di un bon konekshon ku bo yu ta importante pa desaroyá un relashon fuerte entre mayor i yu.

Tips pa yuda hasi bo relashon ku bo yu mas fuerte

Bisa bo yu tur momentu ku bo por ku bo stim’é. Sigur ku bo stim’é pero si bo por bisé esaki tur ora òf tur dia hasié, no ta importante kon grandi e ta.  Asta riba e dia nan difísil, bisé ku bo no a gusta e komportashon, pero bo ta bisé ku bo stim’é inkondishonalmente apesar di lokual ku e la hasi. Un simpel “Mi Stimabu” lo por hasi hopi pa un relashon mas fuerte entre e mayor i e yu.  Traha tempu pa por papia ku bo yu sin ningun distrakshon, sikiera 10 minüt pa dia por hasi un diferensia den e desaroyo pa un bon komunikashon. Pone tur lokual ta teknologia un banda i traha un tiki tempu pa e yu.

Kome huntu komo famia ta pone e base pa hiba un kòmbersashon. Pone komo regla ku no ta aseptá niun aparato elektróniko na mesa tanten ku tur hende na mesa ta komiendo. Asina boso por  disfrutá kompania di otro. Un bon konekshon ta kuminsá ku skucha otro. Trata di mira e kos nan for di perspektiva di e yu i promové rèspèt na tur dos banda. Tempu individual ku bo yu por fortifiká boso bant ku otro, agrandá su rèspèt propio i tambe pa e yu sa ku e ta balorá.

Login