Back to Top
Responsive image
E korant di pueblo

Invershon total pa hóspital nobo ta 647 mion florin


May 14, 2020 • 1 minüt pa lesa

Otrobanda- E kuenta final di invershon den hòspital nobo a sali en total 647 mion florin. Esaki ta lokual por konklui for di lokual direktor interino Gilbert Martina a duna di konosé ayera durante nan rueda di prensa.

Ta trata di 422 mion via di USONA (finansiá pa Hulanda), 62 mion florin adelanto di gobièrnu, 103 mion na fiansa serka konsorsio di bankonan lokal, 25 mion na un “overdraft facility den forma di un liña di krédito, 12.5 mion finansiá pa atkishon di ekiponan médiko. Athunto di esakinan mester añadi un suma di 23 mion florin ku gobièrnu mester a duna SONA.

Ayera, Gilbert Martina a splika ku e instituto mester tin un uzo di entre 92 pa 100% di su okupashon pa e por drai optimal finansieramente i esei no te kaso n’e momentunan aki. E reto ta un grandi mirando ku un invershon di 647 mion sin kapital propio ta iresponsabel.
Ta nota mesora e efektonan di 100% finansiamentu den e gastunan di kapital. Ta kalkulá ku 18% di gastunan total di CMC, ta gastunan di kapital. Pa tal motibu pa por tene nan kabes riba awa gerensha mester laga hasi uzo di nan kapasidat máksimo di hóspital manera Martina a trese dilanti. Ademas mester baha gastu nan di kapital i di personal. Den 5 aña CMC lo tin kasi 200 empleado lo baha ku penshun.

Login
Bo a pèrdè bo password? Porfabor hinka bo username òf email address. Nos lo manda bo un link via email kaminda bo por kambia bo password.