Back to Top
Responsive image
E korant di pueblo

Iran ta emití òrdu di detenshon kontra Donald Trump


June 30, 2020 • 1 minüt pa lesa

ESTADOS UNIDOS – Iran a anunsiá den oranan di ayera ku a emití un òrdu di detenshon, di kua a notifiká Interpol, kontra e presidente estadounidense Donald Trump, i otro 35 persona pa asesinato na luna di yanüari último di e general iraní Qasem Soleimaní.

E fiskal di Teheran, Alí Alqasimehr, e splika ku e 36 responsabelnan polítiko-militar di Estádos Unídos i tambe otro paisnan ku tabata involukrá den e asesinato.

Un notifikashon kòrá di Interpol, esun mas haltu den nivel di alerta, ta un solisitut di forsa di òrdu di henter mundu pa lokalisá i detené un persona ku ta warda pa keda ekstraditá, entregá òf akshon hudisial similar.

E fiskal a detayá ademas ku e akusashonnan kontra e 35 personanan aki, inkluyendo Donald Trump ta di asesinato i akto terorista.

No opstante ta poko probabel ku Interpol por aseptá solisitut di Iran ya ku e normanan ta prohibí inisiá ku kualke intervenshon òf aktividat di naturalesa polítiko.

Soleimani tabata komandante di Forsa Quds di Guarda Revolushonario, ku a fayesé huntu ku otro hefenan den bombardeo di Estádos Unídos dia 3 di yanüari na Bagdad.

Komo represalia, Iran a ataká e base nan militar un siman despues ku misil. Esaki tabata konta ku presensia di sòldánan estadounidense na Irak. Esaki a provoká un konflikto entre Teheran i Washington.

Login
Bo a pèrdè bo password? Porfabor hinka bo username òf email address. Nos lo manda bo un link via email kaminda bo por kambia bo password.