Back to Top
Responsive image
E korant di pueblo

Kachónan ta masakrá krio di karné na Barber


May 22, 2020 • 1 minüt pa lesa

Willemstad—- Un kriadó di karné tabata sumamente kibra i tristu ora e la yega mainta na e kura unda e ta kria su bestianan i  mira mayoria di su karnénan morto òf otronan sufriendo.

Ayera mainta un kriadó di karné tristu pero einan mes basta rabia a pidi asistensia di polis stashoná na Barber pa nan tambe tuma nota  di e hayasgo ku e la bin topa kuné den su kura unda e ta kria su karné nan.  Ta asina ku e suidadano aki a opta pa  sera un kura pa asina por a kuminsá kria su bestianan den e kaso aki karné. E la sera e kura ku waya i gran parti a pone plachinan di zim pa prinsipalmente evitá ku kachó por drenta den e kura i destruí i masakrá su bestianan. Últimamente asta e la kumpra betonmat pa asina por a bai sera e kura mas mihó despues di a tuma nota di kachónan salbahe den e aria pero no a haña ni e chèns pa por a hasi esaki. Tabata den oranan di mardugá ku kachónan salbahe a logra di drenta den e kura unda ta krio e karné i a morde diferente di e bestianan aki. A bin topa ku no ménos seis di e karné nan aki na suela den kual mayoria di nan ku ya a muri. Sigur mester a bai pasa e karné nan aki pa un otro mundu ya ku no por hasi nada mas pa nan. Awor ta wak ta di ken e kachónan aki por ta ya asina e doño por bai kubri e gastunan di e daño kousa.

Login
Bo a pèrdè bo password? Porfabor hinka bo username òf email address. Nos lo manda bo un link via email kaminda bo por kambia bo password.