Back to Top
Responsive image
E korant di pueblo

Kantidat di petishonnan pa kasnan di kuido a baha konsiderablemente


June 19, 2020 • 1 minüt pa lesa

DEN HAAG—Debí na e coronavírùs ménos hende ta hasi uso di kuido riba termino largu den Hulanda.

Hopi hende di edat a fayesé i e kantidat di petishonnan pa kuido permanente a baha konsiderablemente. Esaki a baha ku 2465 kompará ku promé ku brote di corona segun Zorgautoriteit. E sifranan di kantidat di morto den kuido permanente tabata mas haltu entre 23 mart i 26 aprel ku e indikashonnan nobo pa kuido.

Prinsipalmente ora gabinete a prohibí bishitanan na kasnan di kuido, e kantidat di referensianan nobo a baha. Entre 9 mart i 24 mei alrededor di 5200 hende mas a muri den kasnan di kuido ku normal. Kuantu hende a muri realmente di corona e outoridat no sa. Entretantu Rijksinstituut Volksgezondheid RIVM a mèldu 4 kaso fatal di corona ayera i 3 persona ku a drenta hospital.

Esaki ta trese e kantidat di mortonan di coronavírùs den Hulanda na 6.078. E kantidat di persona ku a drenta hospital a subi ku 3 pa un total di 11.835. E kantidat di hendenan ku a tèst positivo a subi ku 132 pa un total di 49.319 den último 24 ora.

Login
Bo a pèrdè bo password? Porfabor hinka bo username òf email address. Nos lo manda bo un link via email kaminda bo por kambia bo password.