Back to Top
Vigilante banner image

Kas di Kuido pa grandinan na Habaai infektá ku Covid


November 24, 2020 • 1 minüt pa lesa

Habaai- Fundashon Birgen di Rosario ayera a emití un komunikado unda nan a konfirmá ku 5 miembro di personal i un kliente a keda konstatá ku Covid 19.

Esaki ta e promé kas di kuido di grandi ku ta anunsiá  infekshon i ta lanta e prekupashon nesesario pa lanta alerta den e situashon di Covid na Kòrsou. Manera e komunikado mes ta bisa, Birgen di Rosario ta un fundashon ku ta kuida hende grandi i nan ta konsiente di e riesgo haltu pa esnan di edat avansá.

Pa tal motibu, na Habaai den sekshon di Mispel/Mango ta sera bishita te ku 5 desèmber proksimo. Mientras no tin bishita, direktiva ta diskutí protokòl i proseduranan di siguridat i kuido ku e dòkter di kas di e instituto i tambe ekspertonan na GGD.

E fundashon alabes ta anunsiá ku e infekshon a tuma lugá te ainda solamente na Habaai. Demas departamentonan na Habaai ku no ta Mispel/Mango ta sigui tuma bishita normal konforme reglanan vigente. Tambe Nos Lanterno i Richardushuis ta sigui risibí bishita konforme e reglanan.

Manera menshoná te ainda, esaki ta e promé kas di kuido ku ta anunsiá infekshon. Na Betesda tambe tin informashon ku einan tin personal den kuido ku a keda infektá unda tambe tin hende di edat bou di kuido. 

Login