Dein — Den oranan di anochi polis mester a bai na e krusada di Winston Churchillweg i Cubaweg pa un kaso di Hit and Run.
Polis i tambe ambulans a keda dirigí pa e krusada di Winston Churchillweg i Cubaweg pa un kaso di ”Hit And Run“. Polis ku a yega na e sitio a indiká a bin topa un vehíkulo marka Daihatsu Sirion stashoná kantu di kaminda ku sla na e parti patras. A bin resultá ku e homber manehando su vehíkulo marka Daihatsu a yega na e krusada ariba menshoná na dado momento a sinti un sla fuerte pa despues e vehíkulo ku a dal su tras a sigui kore bai riba Winston Churchillweg den direkshon pa bai Sta Maria manera nada no a pasa. Personal di Ambulans a presentá na e sitio pa asina transporta e homber pa CMC. Polis di tráfiko ta enkargá ku e aksidente.