Back to Top
Responsive image
E korant di pueblo

Kaso “Zonnebloem” a yega korte


June 15, 2021 • 2 minüt pa lesa

Ta akusá 4 persona di froude i labamentu di plaka ku supsidionan di gobièrnu na e instituto Wit Gele Kruis.

Nieuwe Haven— Ayera korte a trata kaso “Zonnebloem” pero esaki a wòrdu trata komo pro forma. Ta trata aki di un kaso unda ku ta akusá 4 persona di froude i labamentu di plaka ku supsidionan di gobièrnu na e instituto Wit Gele Kruis. 

Manera ta konosí e investigashon “Zonnebloem” ta un investigashon en konekshon ku froude i labamentu di plaka ku supsidionan di gobièrnu na e instituto Wit Gele Kruis. Ya for di aña pasá tabatin algun detenshon ku a keda realisá, entre kua e direktora di e instituto, su esposo i un trahadó atministrativo. Pa e kaso aki OM a pèrsigui 4 sospechoso di kual ta trata aki di e akusado nan  L.P.G.C. di 48 aña di edat i e hòmber C.E.C. di 55 aña di edat, hòmber A.S.V.I. di 54 aña di edat i dama C.O.G. di 45 aña di edat.  

Tabata  djabièrnè 4 di sèptèmber di aña 2020, ku e tim di Kuerpo Polisial Kòrsou ku ta enkargá ku investigashonnan finansiero i di labamentu di plaka, bou di guia di Ministerio Públiko a hasi kuater (4) entrada hudisial den kuadro di un investigashon ku ta hiba e nòmber Girasol.  Tabata na Van Engelen ku  a hasi detenshon di e dama L.P.G.C. di 48 aña di edat i e hòmber C.E.C. di 55 aña di edat, na un kas den Kwartier a detené e akusado A.S.V.I. di 54 aña di edat i edama C.O.G. di 45 aña di edat a wòrdu detené na un adrès na Sunset Heights.  Den pasado a asta tene un entrada hudisial na Banko di Seguro Sosial i na e fundashon Wit Gele Kruis ku ta risibí supsidio di gobièrnu.

Ayera e kaso a yega korte pero esaki a keda trata komo pro forma unda ku wes a duna kada un di e akusado nan e oportunidat pa por a deklará algu pero nan no tabata ke a hasi esaki. Pa loke ta trata e akusado A.S.V.I kompaña ku su abogado mr. Blonk a hasi petishon pa por skucha e dos akusado nan Ciintje i un persona mas komo testigu i tambe nan a hasi petishon pa por haña datos nan personal di nan. Remarkabel ta ku A.I ta den trámite nan pa bai korte di apelashon pa un otro kaso ku tin den su kontra tambe. E otro abogado nan no tabatin un petishon pa entrega na wes, korte lo trata e kaso dia 24 di Sèptèmber próksimo.

A hasi 4 diferente entrada hudisial.
A konfiská vários artíkulo.
Login