Back to Top
Responsive image
E korant di pueblo

KLM ku pèrdida di 7,1 miar euro


February 20, 2021 • 1 minüt pa lesa

SCHIPHOL—Kompania Air France-KLM a registrá e aña di mas malu den su historia ku un pèrdida di 7,1 miar euro.

E debe di e kompania a oumentá i su propio kapital ta den defisit. Prome ku esaki e pió aña pa e kompania tabata 2009-2010 tempu a registrá un perdida di 1,6 miar euro. Debí na e krisis di corona tabatin menos vuelo i vuelonan tabata 50% bashí of mas. E kantidat di pasaheronan a baha ku 67% mientras e karga a baha ku 21%. Den ultimo 3 lunanan  e perdida tabata 1 miar euro, esun di mas abou. E periodo di mas malu tabata e segundo kuartal ku 2,6 miar perdida. Den un aña di tempu e kapital a baha di 2,1 miar positivo pa 5,4 miar euro negativo. Bankonan a duna e kompania fiansanan nobo ku garantianan di gobiernu hulandes. Estado hulandes a duna un fiansa di 1 miar euro. KLM su volumen di benta a baha ku 50% te 5 miar euro. e prome dos lunanan di 2020 e kompania a drai bon pero for di mart esaki a baha. E resultadonan finansiero di KLM ta mustra kon serio e situashon ta, segun direktor Elbers. Anteriormente e kompania a haña un pakete di sosten di 3,4 miar euro di gobièrnu hulandes i 7 miar euro di gobiernu franses. Tin desakuerdo riba e kondishonnan di e sosten nobo. Banda di esaki KLM a haña sosten di NOW di kasi 600 mion euro, pa por paga salario di personal. KLM a bisa anteriormente ku lo retira kasi 6000 personal debi na e krisis.

Login