Back to Top
Responsive image
E korant di pueblo

Knops no ta informá kon Hulanda tei drenta na yüli próksimo


June 10, 2020 • 2 minüt pa lesa

Punda—Raymond Knops , faltando apénas 3 siman pa presentá su plan na Hunta di Minister di Reino, no a splika Kòrsou ainda kon e tin idea di drenta ku “un instituto finansiero” pa sigui ku e fondo si sosten.

Aló ménos, gobièrnu di Kòrsou no tin detaye di su plan. Riba 3 di yüli próksimo, Hunta di Minister di Reino lo sertifiká e desishon pa introdusí un entidat independiente pa kòntròl finansiero di Kòrsou i demas islanan outónomo den Reino. Esaki konforme un karta di Raymond Knops na Ministerio di Asuntunan Interno na Hulanda. Segun Sekretario di Estado Raymond Knops na yüli próksimo lo diskutí den Hunta di Ministerio di Reino e asistensha finansiero a largo plaso pa e tres islanan outónomo den reino. E sosten finansiero no ta sigui tuma lugá mas via di gobièrnu ulandes, sino via un entidat kual Hulanda por manehá abase di resultado i indikadónan di prestashon. Pa por yega na e indikatornan di prestashon, Cft lo sigui hunga un rol pero mas importante. Entre awor i yüli, Knops lo konsulta estrechamente ku gobièrnu di e islanan i pa 3 di yüli próksimo, e desishon lo konkluí si e islanan e kumpli ku lokual Hulanda ta eksihí komo kondishon pa duna nan sosten finansiero. Segun Knops, e kòmbersashonnan te ku yüli lo wòrdu mará na kondishonnan estrikto miéntras e entidat tei kontrolá kon e sosten finansiero lo sigui a largo plaso.

E sosten finansiero pa nos islanan relashoná ku impakto di coronavirus por alkansá 2.2 miar florin segun sekretario di estado Knops. Esaki ta saliendo na kla for di diferente publikashonnan den prensa Hulandes. Te ku awor Hulanda a duna alrededor di 300 mion florin pa e islanan sin mei aden. Na mei a drenta 141 adishonal i no ta konfirmá si e demas 63 mion florin a yega. Pero e suma por subi drástikamente. Segun Knops den un entrevista pa NOS, ta trata di hopi plaka sigur si e situashon ekonómiko sigui empeorá.

Login
Bo a pèrdè bo password? Porfabor hinka bo username òf email address. Nos lo manda bo un link via email kaminda bo por kambia bo password.