Back to Top
Responsive image
E korant di pueblo

Kòrsou ta konosé su ‘lobster boat’ di mas grandi


June 2, 2020 • 3 minüt pa lesa

Willemstad,– Sektor di peska a selebrá yegada di un boto ful ekipá ku e último desaroyonan den teknológiko di peska. Den e último fin di siman famia Da Costa Gomez ku ta propietario di e boto aki, oryugosamente a mustra minister Suzy Camelia Römer delaster un huki di nan atkisishon mas resien.

Ta trata di un ‘lobster boat’ di 42 pia ku entre otro un winchi abordo i ku tin e kapasidat pa operá ku fasilidat na kosta nòrt di Kòrsou.
Un bes mas Fondo Rotativo Agrario di ministerio di Salú, Medioambiente i Naturalesa ta duna sosten na un bunita proyekto ku ta kontribuí na seguridat alimentisio i alimento sano i salú.

Minister a bisa ku nos tin di sigui elevá nos sektornan primario por medio di edukashon i tambe brinda fasilidat i e rekursonan nesesario pa e piskadó, agrikultor o kriadó di bestia por ehersé su trabou di forma sostenibel.
“No por pèrdè mas tempu, awor mas ku nunka nos tin di produsí nos mes, pa nos mes”, asina minister a bisa. Un pabien na famia Da Costa Gomez sigur Homero i tambe papa Ru kende semper a sostené su yunan. Hopi éksito i suerte riba laman tambe di parti di Vigilante.

Login
Bo a pèrdè bo password? Porfabor hinka bo username òf email address. Nos lo manda bo un link via email kaminda bo por kambia bo password.