Back to Top
Responsive image
E korant di pueblo

Korte penal no ta pone masha énfasis riba petishon daño inmaterial


May 23, 2020 • 1 minüt pa lesa

WILLEMSTAD,—- Den notifikashon di pleitu di abogado mr. Vaders pa e hòmber Harvey Reinita, por a konkluí ku mayoria petishon di daño inmaterial ta keda rechasá pa korte penal i ta bisa e víktima nan pa bai un wes sivil pa bringa esaki.

Tur esaki despues ku famia nan di e víktima Eisden ku a keda asesiná kruelmente, a hasi petishon di daño inmaterial ku a keda atras, despues ku e hòmber Harvey Reinita a kita e víktima su bida aña pasá. E kaso ainda no a konosé sentensia, pa asina sa kiko wes a disidí pero por a konkluí algu den defensa di abogado mr. Vaders.

Loke por a konkluí ta ku korte penal na Kòrsou no ta pone masha énfasis riba petishonnan di daño inmaterial. E abogado a pidi pa rechasá e petishonnan, kual tambe el a para ketu riba e motibu dikon korte penal no ta pone énfasis riba e dañonan inmaterial. El a bisa ku mayoria biaha petishon nan di daño inmaterial, ta bai korte sivil mirando ku e wesnan sivil ta buta mas atenshon riba e petishonnan aki.

Netamente pa esaki ta manda e víktimanan wes sivil pa asina bringa pa haña e daño.

Login
Bo a pèrdè bo password? Porfabor hinka bo username òf email address. Nos lo manda bo un link via email kaminda bo por kambia bo password.