Esaki ta loke a sobra di e vehíkulo ku a ser sende na kandela despues di a wòrdu pluma.

Willemstad— Akshon rápido di bomberonan stashoná na Rio Canario a evitá ku kandela por a destruí un edifisio unda tin tres diferente negoshi ubika den dje.

Tabata den oranan di atardi ku a pidi asistensia di Polis i tambe Pagadónan di kandela pa yega rápidamente na e edifisio Lapiz Lazuli Place situá riba Schottegatweg.  Tabata den e parti patras di e edifisio ku ta ser usa pa sinta i kombersá ku un korto sirkuito mester a kousa un kandela. E kandela aki a logra di destruí un stul i tambe algun rèki. Bon trabou di e bomberonan a logra di dominá e kandela i awor e gerente mester buska un elèktrishèn i tambe hasi basta limpiesa pa asina por deshasí di e kosnan kima ku a keda tras.