Back to Top
Responsive image
E korant di pueblo

Kuater detenshon den De Savaan pa kaso di maltrato i menasa


May 23, 2020 • 1 minüt pa lesa

Willemstad—–  E tim di aresto riba petishon di reshèrshinan di VVC  a realisá entrada hudisial den e bario di de Savaan unda a logra di detené kuater sospechoso pa kaso di menasa i tambe violashon di e lei di arma di kandela.

Djabièrnè 22 di mei alrededor di 05.00’or, personal di reshèrshi di VVC den koperashon ku Tim di Aresto a tene un entrada hudisial na un kas na De Savaan.

Esaki tabata en konekshon ku menasa i violashon di lei di arma di kandela.

A detené e hòmber sospechoso K.L.H. di 27 aña di edat nase na Kòrsou. Pa  maltrato i violashon di lei di arma di kandela, a detené e hòmber sospechoso D.A.D. di 37 aña di edat nase na Kòrsou. Pa  menasa i violashon di lei di arma di kandela, a detené e hòmber sospechoso J.L.J.E di 19 aña di edat nase na Kòrsou. Pa  maltrato i menasa a  detené e dama sospechoso G.A.J. di 27 aña di edat nase na Kòrsou.  Durante investigashon den e kas i tambe e kura di kas a bin topa ku algu di mariwana i tambe a konfiská algu piesa di outo pa mas investigashon. A presentá e sospechosonan  dilanti di un fiskal ouksiliar ku a ordená su enkarselamentu pendiente di mas investigashon.

Login
Bo a pèrdè bo password? Porfabor hinka bo username òf email address. Nos lo manda bo un link via email kaminda bo por kambia bo password.